CT Group Cup 2015 Team 191-in an inlan dawn
Central YMA leh Mizoram Football Association buatsaih CT Group Cup 2015, Inter Branch YMA Football Tournament chu April 21 - May 23, 2015 inkar khian khelmual thlan bik pali Lammual, RG Stadium Mualpui, RSC Ground Ramhlun leh Joint YMA Field, Aizawl-ah te khelh a ni dawn.
YMA Branch 191 zet telna football inelnaah hian champion lai chu Armed Veng an ni. Kum 2012 khan Armed Veng hian Chanmari West hnehin a vawi lina atan CYMA Football-ah an champion a, CYMA football-a record ṭha ber an nih bakah 2015 NECS Cup-ah an champion leh bawk. Armed Veng hi Group A-ah 2012 Red Ribbon Football champion Chanmari te nen awm ho a, Chanmari West hi Group P-ah 2005 CYMA Football champion Republic Veng nen an awm ho ve bawk.
Football team 191 te hi Group 16-ah ṭhen darh an ni a, group tinah hian CYMA Football hnuhnung bera Round of 32 lut pha team 32 bakah veng leh veng inlenaa record nei ṭha team 32 te chu pali zela dah an ni. Seeded team ni pha te chu :
Group A : Armed Veng, Farkawn, Khatla & Chanmari
Group B : Ramthar Veng, Zanlawn, Sihphir Venghlun & Kelsih
Group C : Venghlui, Maubawk, Sialsuk Jt. YMA & Chaltlang
Group D : Tuivamit, Upper Republic, Hnahlan & Zemabawk
Group E : 'W’ Phaileng, Ngopa, Chite Veng & Zotlang
Group F : Dinthar, Bazar Veng (Lunglei), Zemabawk ‘N’ & Hualngohmun
Group G : Bethlehem VT, Jt.YMA Vairengte, Ramthar ‘N’ & Kanan
Group H : ITI Veng, Jt.YMA Kawnpui, Chawlhhmun & Aizawl Venglai
Group I : Leitan, ‘S’ Vanlalphai Jt. YMA, Tuikual ‘N’ & Chhinga Veng
Group J : Lengpui, Mimbung, Sihphir & Electric Veng
Group K : College Veng, Falkawn, Dawrpui Vengthar & Tuikual ‘S’
Group L : Ramhlun ‘S’, CTI Sesawng, Durtlang North & Luangmual
Group M : Ramhlun ‘N’, ‘N’ Vanlaiphai Jt. YMA, Zarkawt & Chawnpui
Group N : Armed Veng ‘S’, Zobawk Vengthar (Lunglei), Ramhlun Vengthar & Durtlang
Group O : Bawngkawn, Darlawn Venghlun, Vaivakawn & Mission Vengthlang
Group P : Chanmari ‘W’, Salem, Ramhlun Venglai & Republic Veng
Central YMA Football-ah hian team khatah player 20 leh official pali zel a ziah luh theih a, inkhelh hun chhung hi first round aṭangin minute 90 khelh tur a ni. Ball-ah hian Mizoram Premier League-a hman ṭhin NIVIA Shining Star hman tur a ni a, dan hi MFA Technical Rules 2012 (Fourth Edition) hman tur a ni.
Veng leh veng football inlena lian a awm dawn avangin branch hrang hrang ngawrh takin an inpuahchah chho mek a, zing leh tlaiah khelmual hrang hrang a lun thei hle.