Russia tan Olympic kawng a ping vek lo
International Olympic Committee (IOC) chuan Pathianni khan thlaleha neih tur Rio Olympic-a Russia dinhmun tur a ti chiang ta. IOC hian Russian athlete zingah dan zawm famkim leh he inelna liana thei tura tling leh ṭhate chuan Brazil an pan ve theih tur thu an puang.
Sorkar hriatpuina hnuaia dan bawhchhiat thuah Russia hi a hmingchhe mek a, World Anti-Doping Agency (WADA) bakah United States, Canada, Japan, Great Britain leh ram lian ṭhenkhatte chuan Russia hi Rio Olympic a inhnamhnawih thei lo hrim hrim tura hrem turin IOC an phut.
Amaherawhchu, IOC execu-tive board member 15 awmna chu hun chawpchilh taka ṭum hnih an inhmuhkhawm hnuah he thutlukna hi an siam ta a ni. IOC president Thomas Bach lo sawi lawk tawh angin Russian athlete zingah dan leh hrai zâm sa zawm famkim an awm a nih chuan 'neutral athletes' angin Rio-ah hian an inlan thei dawn. Mahse, heI hian damdawi hman phal loh hman chungchanga thubuai nei tawh leh enfiahna paltlang lote a huam tel lo thung ang.
IOC president Thomas Bach chuan, "Russian athlete zingah IOC dan leh hrai zawm zawm famkim thei leh tling leh tlak an awm a nih chuan Rio-ah an inlan thei ang," a ti.
Sawi chhunzawmin Bach chuan, "Kawng hrang hrangin ngun taka kan ngaihtuah hnuah mimal zalenna leh dikna chanvo kan ngaihtuah tel a ṭul
a, heti hian thuthlukna kan siam a ṭul," tiin thuthlukna siam tura an ngaihtuah ngun thu a sawi tel bawk.
Russian nula Yuliya Stepa-nova-i'n 'neutral athletes' ni tura dilna a lo siam tawh an hnawl chungchang sawi lang nghalin IOC chuan, "Stepanova hian tunhma lamin dan a lo bawhchhe tawh a, hei vang hian tun dinhmunah chuan a dilna hi pawm theih a ni lo," an ti.
Russian Sports Minister Vita-ly Mutko chuan, "Thil thleng thei tam tak an ngaihtuah hnua International Olympic Committee rorelna hian min ti lawm, infiammi thianghlim ngeite chuan Rio Olympic-a inlan tur hian dikna chanvo an nei reng a ni," tiin a sawi ve bawk.
WADA an lawm lo
IOC thuchhuah hian infiam-miten damdawi hman phal loh an hmang nge hmang lo tih leh an filhlim leh fihlim loh endiktu World Anti-
Doping Agency (WADA) an lawm lo.
WADA director general Oli-vier Niggli chuan dam bawhchhe lote tan kawng an dal loh thu a sawi a, chutih rualin dik lo taka thiltih chu na taka hrem an phut niin a sawi, "Dikna a dinchan theih nan thuthlukna dik siam tur a ni a, midang entawn atan Rio-ah hian inlan lo se a ṭhat zawk kan ring reng," a ti.
Infiamna lama ram ropui Russia hian 2008 Beijing Summer Olympic-ah khan China leh United States a phak lo hle. 2012 London Olympic-ah pawh khan Great Britain, China leh United States te an la phak thei chuang lo. Beisei loh takin 2014 Winter Olympic kha Russia khaw-pui pakhat Sochi-ah nghah niin a thlengtu ram hi pakhatna an ni ta!
International Association of Athletics Federations (IAAF) chuan Rio Olympic-ah hian All-Russia Athletic Federation (ARAF) chu 'track and field' bikah an anthlete-te tel an remtih loh thu an lo sawi tawh. IAAF thutlukna hi RAAF chian infiamna lama thubuai ngaihtuahtu sang ber Court of Arbitration for Sport hnenah a khing let a, an hlawh-tling lo nachungin CAS hian IOC dan zawm thlap Russian athlete te chu Olympic-a tel a phalsak.
WADA hnuaia Dr Richard McLaren-a kaihhruaiin kar hmasa lawka an tarlan dan chuan 2008 Beijing leh 2012 Lon-don zawh khan Russia hian dik lo takin hma a la a. An infiammite chu damdawi hman phal loh a hman ruk tur bakah an fihlim leh fihlim loh endik tura an enchhina zun (urine) te chu midang zun thiang--
hlim hmangin an thlakthleng tih an hmu chhuak. Hei vang hian hremna na zawk an phu a, IOC hian an hrem na tawk lo titu an tam hle.
Thil Thlendan Tlangpui
December 2014: German TV documentary pakhat chuan Rus-sian athlete 99% chuan dan an bawh-chhiat thu an tarlang. WADA chuan a chhuichiang tur bik a din.
9 November 2015: WADA hnuaia zirchianna neitute chuan Russia athlete-te chuan an sorkar hriat-puinain damdawi hman phal loh chungchangah dan an bawh-chhia niin a sawi - Russia chu athletics completion-a tel thei lo tura hrem theih a nih thu an sawi.
13 November 2015: IA-AF chuan Russia Athletics Federation (RAF) chu interna-tional competition a inlan thei lo turin a hrem lailawk.
27 June 2016: 67 Russian athletes leh RAF te chuan Olym-pic-a an inlan ve ngei theih nan infiamna lama thubuai ngaihtuahtu sang ber CAS hnenah IAAF hremna an khing let.
18 July 2016: WADA hnuaia zirchiana pawl Mc-Laren-a kaihhruai chuan an thil hmuhchhuah an puang a, Summer leh Winter Olympic-ah khan Russia sorkar hriatpuina ngeiin an infiammite chuan dan an bawhchhiat thu leh an tih dik lohte an zep pui thu an puang.
21 July 2016: CAS chuan ROC leh Russian athlete-ten Rio Olympic-a an inlan ve theihna tura an khinletna chu an pawm sak lo.