Celtic-ah Kolo Toure

Liverpool-a a contract hmang zo defender Kolo Toure chuan Celtic a pan a, Scottish club-ah hian season khat chhung hun hmang turin contract a ziak. Anfield-a a pu hlui ṭhin Brendan Rodgers enkawlna hnuaiah a khel leh dawn tihna a ni.

Celtic boss Rodgers chuan, "Mi dang-lam tak a ni a, Liverpool-ah khan a tawn-hriat kan chhawr ṭang-kai theih beiseiin ka lalut a, match lianthamah chuan a
ṭangkaina a lantir fo ṭhin reng a ni," tiin a defender thar chungchang a sawi.

Europa League final-a Reds tana a match hnuhnung ber kheltu defender chuan, "Chona thar hmachhawn turin ka inpeih a, he hmunah hian theihtawpa he team ṭanpui tur hian ka rawn kal a ni," a ti.

Ivory Coast tana vawi 118 inlan tawh defender hian kum 2002 khan Arsenal zawmin khawvel hriat a hlawh ṭan a, 2003-04 season-a hneh loh nei loa Premier League nomawi chawi thei "invincibles" tia hminglem an phuahsak Gunners team-ah khan player pawimawh pawl a ni.

Kum 2009 khan Manchester City chu pound maktaduai 14-in a zawm a, season thum chhunga Premier League nomawi pakhat a chawi hnuah Rodgers-a'n Liverpool-ah a hruai lut a, Anfield-ah pawh hian season thum tho hun a hmang.