Hamilton-a'n hma a hruai ta

Pathianni khan Hungarian Grand Prix tlan a ni a, champion lai Lewis Hamilton chuan teammate Nico Rosberg lakah hnehna a chang - British driver hian Nico Rosberg khumin kumina a vawi khat nan driver championship-ah hma a hruai ta.

Kumina intlansiak vawi 11-naah hian qualifying lama tlan ṭha leh hmahruaitu ni bawk Rosberg chuan pole position aṭangin bul ṭan mah se intlansiak ṭantirhah Hamilton hian a tlan pel nghal a, lap 70 an tlan zawh thlengin British driver hian a dinhmun a humhim thei. Mercedes driver hian Hungary-ah vawi nga hneh-na a channa ni chiahin F1 car a khalh hunchhungin ṭum 48 hneh-na a channa chiah a ni bawk.

German driver Rosberg hi pahnihnaah thlengin Red Bull driver Daniel Ricciardo chu pathumna a ni a, world cham--p-ion vawi li lo ni tawh Sebas-tian Vettel chu palina niin Netherlands rawlthar duhawm Max Verstappen chuan pangana dinhmun a luah bawk.

Kum 31-a upa Hamilton chuan, "Kum bul ka ṭan fuh loh hnua champion duhna rilru ka la nei reng thei hi ka lawm a, beiseina nung ka neih zia chu a lang chhunzawm zel. Team
ṭha ber kan ni tih chu a chiang a, driver ṭha ber ni tur erawh chuan a awlsam loin theihna zawng zawng hman a ngai," tiin a teammate nena an inelna a hau-tak thu a sawi.

Tun hnai intlansiak hnuhnung pathumna pakhatna ni vek Hamilton hian championship-ah point 192 hmuin Rosberg (186) lakah point rukin a sang zawk ta a, point 115 hmutu Ricciardo tan pawh champion beiseina a la tawp bik lo. Tun season intlansiak 21 awm tur aṭangin tlan hmabak 10 a la awm - karleh hian German Grand Prix an tlan ang.

Hungarian Grand Prix Results

1 Lewis Hamilton GBR Mercedes

2 Nico Rosberg GER Mercedes

3 Daniel Ricciardo AUS Red Bull

4 Sebastian Vettel GER Ferrari

5 Max Verstappen NED Red Bull

6 Kimi Raikkonen FIN Ferrari

7 Fernando Alonso ESP McLaren

8 Carlos Sainz ESP Toro Rosso

9 Valtteri Bottas FIN Williams

10 Nico Hulkenberg GER Force India