MFA Super Cup Keifang an kal zel

Keifang FC-in nimin khan Ramhlun North veng club Zokings FC chu 3-1 a hnehin MFA Super Cup Round of 32 an thleng ta.

Aizawl DFA club Electric FC-in Hming Hming FC hnehin Round of 16 thleng turin team khat chiah an hneh an ngai tawh a, an khingpui tur erawh Mizoram Police FC an ni ang.

Keifang hian tun inel-naah hian goal riat khung tawh-in Lalduhawma, B Lal-fakawma leh Van-lalawia ten match hnih an khelh tawhah goal an khung ve ve a, amaherawhchu match hnih leka goal nga an chhuah avangin tlarhnung erawh in-enfiah a ṭul. Keifang hian third round-ah Aizawl FC Academy bara-khaih-tu Tuidam FC an hma-chhawn ang.

Vawiin hian MFA Super Cup second round chu RG Stadium, Mualpuiah khelh chhunzawm a ni dawn

Fitness nei ṭha 1st Bn MAP Academy FC chu a vawi khatna atan an inlan dawn a, Hunthar hnehtu Ramthar FC, Durtlang an hmachhawn ang. Inkhel hnuhnung zawkah first round-a inlan tawh pahnih Ramhlun FC leh Bethany FC, Bawngkawn te an inkhel bawk ang.

Vawiin Inkhel Tur

July 26, Thawhlehni

11:00 AM 1st Bn MAP Academy FC Vs Ramthar FC, Durtlang

01:00 PM Ramhlun FC Vs Bethany FC, Bawngkawn

Nimin Inkhel Results

Hming Hming FC 1 - 4 Electric FC

HMI : Lalrinchhana 54'

EFC : F. Lalropianga 44', 50'; R. Lalmuanpuia 63';

K. Lalbiakenga 84'

Keifang FC 3 - 1 Zokings FC, Ramhlun North

KEI : Lalduhawma 41'; B. Lalfakawma 56'; Vanlalawia 90+3'

ZOK : K.L. Famkima 90+3'