Chona hautak ber a ni - Allardyce

Nimin khan Sam Allardyce chuan England manager a nih hnua a vawi khat nan St George's Park-ah thuthar thehdarhtute a kawm a, a hna thar chu a tan chona hautak leh ropui ber a nih thu a sawi.

Football Association chuan Zirtawpni khan Roy Hodgson-a kalsan hna thawk tur hian Premier League club hrang hrang panga enkawl tawhtu hi an lalut. Kum 61-a upa Allardyce chuan, "Ka hun tawn tawhah chuan chona phurawm leh hautak ber a ni a, hlawhtlinna kan chan theih ngei pawh ka beisei. Hun harsa tam tak ka lo paltlang tawh a, he team tan hian hmasawnna ka thlen theih ka inring," a ti.

Captain Wayne Rooney-a'n a dinhmun a chelh chhunzawm dawn em tih an zawhna chhangin, "Tun ṭum hi media ka vawi khat hmachhawnna chauh a nih avangin chutiang sawi nan chuan a la hma hret a, player leh coaching staff-te ka hmuh hma chuan thuthlukna ka siam lo ang," tiin Manchester United captain chu a hman chhunzawm dawn leh dawn loh a sawi chiang rih lo.

Bolton Wanderers, New-castle United, Blackburn Ro-vers, West Ham United leh Sunderland-a hun a lo hman tawh chungchang sawiin, "World class player ka lo enkawl nual tawh - Fernando Hierro, Youri Djorkaeff, Jay-Jay Okocha, Gary Speed, Nicolas Anelka leh Michael Owen te kha niin player theihna sang tak tak nei ka enkawtl e khan ka hna pawh an ti awlsam," tiin player
ṭha a enkawl kawngah tawnhriat a neih thu a sawi.

England manager thar Allardyce chuan sawi chhun-zawmin, "England player thiam bikte ka enkawl tur hi ka lawm a, a chhan chu ruahmanna siamsa kha awlsam taka an zawm theih dawn vang a ni. Premier League club lian ka la enkawl ngai lo a, kei chuan tla tur ka chhanhim
ṭhin a, ka tlak pui ngai lo - FA Cup leh League Cup champion te nen inang lo mah se khang thil kha sulhnu ropui a ni," tiin hun harsa hlawhtling taka a patlang tawh ṭhin thu a sawi.