AIFF/MFA Futsal Referee Training zo

All India Football Federation leh Mizoram Football Association chuan December 14-16, 2020 chhung khan ‘Introduction to Futsal Refereeing’ chu Mizoram chhunga mite tana an buatsaih a, he hunah hian Mizoram chhung leh pawn aṭangin mi 79 an tel.

FIFA Futsal Laws of the Game leh Asian Football Confederation-in kaihhruaina a siam-te an zir a, tun hnaia FIFA-in futsal dan thar a siamte inzirtir a ni. 

Mizorama FIFA dan hnuaia futsal khelh dan tur inzirtirna a ni ber a, Mizo ṭawng ngeia zirtirna pek an duh avangin AIFF lamin Mizo instructor an rawn ruat a ni. 

Course Instructor hi Lalbiak-dika Ngente (Bungkawn, Aizawl) leh V.L. Rinpuia (Durtlang Leitan) te an ni a, anni hi AIFF lam rawn ruat an ni a; kum 2019 khan Asian Football Confederation hnuaiah FIFA Instructor Course an lo kal tawh a, kum 2020 October khan FIFA MA Futsal Instructor Course an zo tawh bawk.