Stoke-ah Joe Allen

Premier League club Stoke City chuan Liver-pool midfielder Joe Allen chu pound maktaduai 13-in an lalut a, Bet365 Stadium-ah hian kum nga chhung cham turin contract a ziak.

Kum 26-a upa mid-fielder chuan, "Darkar 48 chhung kan buai zak zak a, contract ka ziak fel thei ta hi ka lawm hle. Potters-in min duh tih ka hriat khan ka phur em em a, he hmun lo pan tura thutlukna siam hi thil harsa a ni lo," tiin Stoke City a zawm thei chu a lawm thu a sawi.

Season hman zawh takah khan Allen hian Liver-pool tan league match riat chiah inkhel bul ṭan mah se Euro 2016-ah erawh Wales player pawimawh pawl a ni a, semifinal an luhna kawngah a thawhhlawk em avangin Euro 2016 team of the tournament-ah a lang phak hial.

Kum 2012-a Liver-pool zawmtu Joe Allen hi a club hlui Swansea chuan lakluh tumin lo dawr tawh mah se an dawrna zat pound mak-taduai 8 chu Reds lamin an lo hnawl tawh a, Stoke-ah hian Welsh ma-nager Mark Hughes nen an thawk dun dawn.

Wales tana vawi 31 lo inlan tawh midfielder hian Reds a zawm hmain a career ṭanna Swansea City tan season ruk chhung a khel a, 2011–12 khan a Premier League season hma--sa ber hmangin Reds zawmtu Swans boss Bren-dan Rodgers chu An-field lamah a zui chhuak.

Liverpool tan season li khelin Rodgers-a hnuaiah player pawimawh ni mah se Jurgen Klopp luh hnu-ah hmun a chang tam meuh lo. Reds tan inelna hrang hrangah match 132 inlan hmanin goal sarih a khung sak a, Merseyside club-ah hian kum khat cham turin contract la nei mah se a khelh phakna tur hmun zawngin a chhuak ta zawk a ni.