Australian tennis star Nick Kyrgios a mualpho

Rogers Cup-ah Aus--tralian tennis star Nick Kyrgios chuan Wim-bledon junior cham-pion Denis Shapovalov chu 7-6 (7-2), 3-6, 6-3 a hneh loin first round-ah a tla nghal.

Kum 21-a upa Kyrgios hi ATP ranking-ah 18-na niin tun inelna bikah hian seeded 11-na ni hial mah se rinkai a nihna hi amah timualphotu mai a ni. Kyrgios chuan, "Ka inbuatsaihnaa ka thil tih leh tih loh te inbulah sawi ka tum lo. Ka khel ṭha lo a ni tawp," tiin thuthar thendarhtute a chhan danah a khelh danah a lawm lo tih a chiang hle.

Australian tennis player hian Wimbledon-ah champion zui ta Andy Murray a hneh lo a, Rogers Cup-ah pawh hian champion lai chu British player hi ni mah se a inhnukdawk a, seeded no. 1 chu Novak Djokovic a ni.

Canadian rawlthar Shapovalov hi kum 17 leka upa a ni a, ATP hnuai inelnaa a vawi hnih telna chauh niin ATP ranking-ah 370 na a ni. Kyrgios chuan a khingpui fakin, "A khelhṭhat avangin hlawhtlinna chan hi a phu a, Wimbledon-ah result
ṭha tak a neih hnuah mahni rama khel a nih bawk avangin a khelṭha kha a mak lo," a ti. Rogers Cup-a mipa inelna hi Toronto, Canada-ah khelh ṭhin a ni.