Hamburg-ah player thar

Stuttgart winger Filip Kostic chuan season nga chhung khel turin Hamburg a zawm a, a man zat hi puanzar ni lo mah se pound maktaduai 14 bawr vel nia ngaih a ni.

Kum 23-a upa Kos-tic hian season hmasa khan German club Stuttgart tan league-ah goal nga khungin assist vawi sarih a nei a, heti chung hian second division lama an club tla thla tur erawh a venghim zo lo.

Hamburg SV director Dietmar Beiersdorfer chuan, "Kostic hi kum 23 leka upa nichungin tawnhriat a ngah em em a, player tlan chak tak a nih bawk avangin kan lalut thei hi ka lawm takzet a ni," tiin Liverpool nen pawha sawi zawm lo hlawh tawh an player thar chungchang a sawi.