Ram tana Rooney hmalam hun hriltu Mourinho

England manager thar Sam Allardyce chuan Wayne Rooney-a Eng-land hmalam hun chu Man-chester United mana-ger-in a chhawr dan a zira a innghah tur thu a sawi.

Kum 30-a upa Rooney hian England manager bang ta Roy Hodgson-a en--kawlna hnuaiah for-ward leh midfield-ah a khel ṭhin a, Euro 2016-ah pawh khan striker ni loin midfielder anga chhawr a ni.

Big Sam chuan, "Jose-a'n Rooney hi hmalamah a khelhtir a, goal tam tak a khung a nih chuan ka tan England squad-a ko ve sia central midfield-a khelhtir chu thil awmze nei lo a ni ang," a ti.

Mourinho chuan Uni-ted captain hi tlarhmaah a chhawr tur thu a sawi chiang tawh a, Zlatan Ibra---himovic leh Anthony Mar-tial te nen khelhna hmun an inchuh a ngai dawn.

Sunderland manager hlui chuan sawi chhun-zawmin, "Premier League ṭan a nih hma chu thu-tlukna siam tur ka la nei lo. Wayne Rooney ringawt a ni lo a, league ṭan a nih hunah English player-ten ṭha taka an khelh ka beisei," tiin duhsak bik neih a tum lo.

English manager hian an ram team a enkawl hnua a match hmasa ber chu September 4-ah a khel dawn a, World Cup qualifier-ah Euro 2016-a an inhnehtawkpui Slovakia chu an hma-chhawn dawn a ni.