Zanin dar 1:30-ah Man United Vs Sheffield

Manchester United-in zanin dar 1:30 hian Premier League table mawngphaha awm Sheffield United an hmachhawn dawn. Blades hian season liam ta khan Europe inelna hial beisei pha mah se tun season-ah erawh match 12 aṭangin point khat chiah an la hmu.

Zanin inkhelhna tur hi Bramall Lane a ni nachungin Ole Gunnar Solskjaer-a hote tan point hmuh harsatna tur niin a lang lo a, Man United-in point thum an hmu lo a nih chuan Norwegian manager ban duhtu an pung ang.

Champions League aṭanga an tlak avangin Man United hian sawisel hlawh mah se Premier League match hnuhnung panga chauh thlir chuan an che ṭha ber. Scott McTominay-a'n khelhna hun a nei a nih chuan Man United tan competitive match 100 a khel thei dawn a, hetiang zat khel thei player 216-na tur a ni.

Scottish midfielder Tominay chuan, "Goal chhuah hmasak zawk reng hi a him lo. Leipzig nen kan inkhelh ṭumin goal chhuah hmasak a pawizia kan hmu," tiin a sawi.United hian khualmuala Brighton, Newcastle, Everton, Southampton leh West Ham te an hmachhawn ṭumin goal an chhuah hmasak vek chungin an tho chhuak a, hnehna an chang vek.