I Day Football 2011 champion Lajong

Shillong Lajong FC-in I Day Football 2016 an rawn khel dawn a, I League-ah Mizoram club Aizawl FC chunga an awm avangin tualchhung inelna ngaihhlutah hian Shillong club hi team ṭha bera ngaih an ni.

Kum 2011 khan Shillong Lajong hi Pradyum Reddy kaih-hruaina hnuaiah I Day Football-ah hian an champion tawh a, tun ṭuma rawn hruaitu erawh Mani-pur lam coach Thangboi Singto a ni.

Kum 42-a upa Thangboi chuan, "I League-a kan team nen kha chuan kan inang tawh lo. Tunah hi chuan team insiam-
ṭhat chhoh leh lai tak a ni a, kan senior player eng emaw zat an chhuah bakah ISL leh India tana khel tura koh an awm avangin kan squad hi kan ṭhat dan ber a ni lo. Mizoramah hian training turin kan rawn zin a, hmasawn kan tum avangin kan champion theih chuan a lawmawm khawp ang," tiin a sawi.

Thangboi sawi ang hian I League-a inlan player 17 zet chu I Day Football-ah hian an inlan dawn lo. Tun ṭuma rawn zinah hian foreigner an tel loh bakah rawn zin zinga mi midfielder Zodingliana Tochhawng leh keeper Vishal Kaith te chuan ISL an khelh dawn avangin inelnaah an inlan ve lo ang.

Lajong boss Thangboi chuan sawi chhunzawmin, "Kar hnih vel chiah Shillong-ah training kan la nei a, AIFF Under 19 an naupang thu an sawi chiam a. Keini pawh hi team naupang tak tho kan ni a, kan tawnhriat nei player-te pawh hi kum lama chhut chuan an la upa lo hle," tiin Vanglaini palai a hrilh.

Mizo paruk

Shillong Lajong-ah hian Mizo player paruk an awm a, chung zingah chuan I League-a Aizawl FC lama goal khungtu Zemabawk forward Samuel Lal-muanpuia thiamzia chu hriat a ni tawh. Ramthar veng forward Lalrammuana, Tlung---vel midfielder Jacob Lal-rawngbawla leh College Veng midfielder Joseph Lalfak-zuala te'n I League-ah tawnhriat ṭha tak an nei tawh bawk.

Mizo naupang pahnih Joe Zoherliana leh Lalhma-ngaih-sanga te chu junior team aṭang-in senior team-ah an sawn chho a, kum naupang tak ni chunga senior team zinga an zin avang hian football career-ah kalkawng dik an zawh chho mekah a ngaih theih.

A hmasa berah BVT

July 29, Zirtawpni hian Shillong Lajong-in an match hmasa berah point la hmu lo Bethlehem Vengthlang an hmachhawn dawn. Chhun dar 12:00-a inkhel tur ni mah se point la hmu lo BVT leh I League club inkhel tur hi a hmuh-nawm ang.

Lajong hi Group B-ah BVT, Ramhlun North FC (Aug 3), Zo United FC (Aug 6) leh Dinthar FC (Aug 9)te nen an awm ho a, group khat aṭangin a sang pahnihin semifinal an lut ang.

Lajong Squad

# Hming J. No. Position

1 Phurba Lachenpa 34 Goalkeeper

2 Frolicson Dkhar 1 Goalkeeper

3 Neithovilie Chalieu 30 Goalkeeper

4 Khlainbor Khongsit 17 Right Back

5 Joe Zoherliana 27 Right Back

6 Nim Dorjee Tamang 3 Centre Back

7 Sandeep Singh 5 Centre Back

8 Lalhmangaihsanga 8 Centre Back

9 Pritam Kumar Singh 23 Left Back

10 Chiranjit Gogoi 15 Left Back

11 Alen Deory 28 Right Winger

12 Redeem Tlang 19 Right Winger

13 Bipin Singh 25 Right Winger/Left Winger

14 Novin Gurung CM/Right Winger

15 Joseph Lalfakzuala 12 Central Midfielder

16 Jacob Lalrawngbawla 14 Central Midfielder

17 Kagaly Anal 13 Central Midfielder

18 Ningombam Sana Singh 7 Central Midfielder

19 Hardy Cliff Nongbri 11 Central Midfielder

20 Akoijam Loyangamba Left Winger/Left Back

21 Lalrammuana 22 Forward

22 Samuel Lalmuanpuia 9 Forward

23 Milan Basumatary 16 Forward