Wawrinka a chak hram

Rogers Cup khelh mek-ah Stan Wawrinka chuan a match hmasa berah fiahna hautak a tawng nghal. Thawhleh zan khan Swiss star hian Mikhail Youzhny lakah 7-6(3), 7-6(8) a hnehna changin second round a paltlang hram.

2014 French Open champion Wawrika hi set khatnaah 5-4 in a hniam zawk a, set hnih naah pawh 3-0 in hnufual zawk mah se a tawnhriat ngah tawhna chhawr ṭangkaiin set hloh loin hnehna a chang hram.

Inkhel dangah seeded pangana Tomas Berdych pawhin Borna Coric lakah set khat a hloh nghal mah se third round a lut tho. Wimbledon semifinal-a Andy Murray a hneh loh hnua a match hmasa berah Berdych hian 4-6, 6-1, 6-4 in hnehna a chang.

Rogers Cup-ah hian Murray, Rafael Nadal leh Roger Federer te chu hliam an neih vangin an inlan lo a, world number l Novak Djokovic chuan nizan khan a match hmasa ber a khel thung a, result kan hre hman lo.

Hmeichhe inelna lam-ah nikum finalist Simona Halep chuan Australian Daria Gavrilova lakah 6-2, 6-3 in hnehna a chang. British no. 1 Jo-han-na Konta (seeded 15-na) pawhin darkar khat leh minute 21 chhungin Shelby Rogers chu 6-4, 6-2 in a hneh ve bawk.