Africa tan World Cup-ah hmun a awm

FIFA president Gianni Infantino chuan ruahmanna anga kum 2026 aṭanga World Cup khel zat ram tih pun theih a nih chuan Africa khawmualpui aṭanga World Cup khel zat chu pahniha belh theih a nih a beisei thu a sawi.

February thlaa FIFA hotupa ber tura thlan Infantino hian World Cup-a tel ṭhin ram 32 chu ram 40-a tih pun a rawt a, a rawtna erawh kum 2026 hma chuan hman hman a ni dawn lo. Russia World Cup 2018 leh Qatar World Cup 2022-ah chuan team 32 chauh tel turin tih chian a ni tawh a ni.

UEFA secretary general hlui chuan, "Ka ruahmannaah chuan World Cup-a team 40 tal an tel a ni a, hei hi a hlawh-tling thei a nih chuan Africa khaw-mualpui aṭangin team pahnih dangin an belh dawn tihna a ni," a ti. Tun din-hmunah Africa khawmualpui aṭang hian ram pangain World Cup an khel thei.

FIFA president Gianni Infantino hi FIFA inkaihhruaina dan leh hrai bawhchhiaa pawl thil ama hlawk nana hmangah puh a ni mek a, puh a nihna hi tunah enfiah mek niin thu belhchian dawl ngei a lo nih chuan chhuichianna uluk lehzuala kalpui a ni ang a, chhui a nih chhung ni 90 chhung chu a hna a-
ṭanga a chawlh lailawk a ngai dawn a ni.