UK sports minister-in FA a vau

Britain sports minister Tracey Crouch chuan English Football Association chuan a hmasawn zawnga ke an pen lo a nih chuan pawisa an pek ṭhin pek chhunzawm tawh lohah a vau.

Kum 41-a upa po-litician chuan FA-ah in-thlak danglamna emaw hmasawnna a awm lo a nih chuan FA sum hman tura tihte chu project dang khawih nan hman mai tur a nih thu a sawi!

Crouch chuan, "FA hi in inthlak dang-lama, insiamṭhat in tum a nih loh chuan pawl dang, football hmasawnna tura ke pentute hnenah insum dawn tur hi ka pe mai ang tih hi ka sawi duh a ni," tiin a ṭawng na hle.

Football Association hian kumt-inin British sorkar aṭang hian pound maktaduai 30-40 a dawng
ṭhin a, tun thlatir khan FA chairman David Bernstein chuan an pawl chuan insiamṭhat an mamawh thu a lo sawi tawh bawk.

Crouch chuan Bernstein-a thu-sawi chungchang hi sawi lang nghalin, "David-a buaina hi ka hrethiam a ni. Chuvang tak chuan infiamna pawl engpawhin an inkaihhruai dan an thlak danglam a ngaih thu ka lo sawi tawh a, chung zingah chuan FA pawh a tel. Kan sawi anga an inthlak danglam lo a nih chuan sum pek zel a ṭulna a awm lo," a ti.

Commons Culture, Media and Sport Committee chuan kum 2013 khan an zirchianna aṭangin English football chuan siamṭhat a mamawh zet thu an lo sawi tawh.