Bruce-a'n fan-te hnenah lawmthu a sawi

Hull City manager a nihna aṭanga bang hlim Steve Bruce chuan a kal-san tak Hull fan-te a fak a, KC Stadium-a chhuahsan chhan chu club ṭhatna tur a ngaihtuah vang a nih thu a sawi bawk.

Kum 2012-a Hull City zawmtu manager chuan, "Club dinhmun ngaihtuah chungin thutlukna harsa tak ka siam a ṭul a ni. Thla 12 liam ta chhung kha a harsa em em a, he club hian hma a sawn zel dawn chuan midangin an enkawl a ngaia hriatna ka nei a ni," a ti.

Hull thuneitute chuan an club hi hralh an tum thu an lo puang tawh a, mah se kar hmasa Nilaini khan September thleng club hralh hun chu an tih khawtlai tur thu an sawi. Player inhliam an ngah avangin an squad-ah player 13 chiah chhawr theih neiin an awm mek bawk.

Tigers (Hull sawi-na)-a enkawl chhunga Premier League-a vawi hnih kaipuitu leh FA Cup final hial hruai thlengtu coach chuan fan-te fakin, "Fan-ten min ṭawiawmna ang kha manager dang chuan an dawng zen zen lo ang. Kum 2014-15-a kan relegate te khan nasa taka min sawisel tura ka ngaih laiin kut beng chungin khelmualah khan min thlah a ni," tiih a chhuah hnuah pawh Hull fan-te inpekna a theihnghilh lo.