Boca-a hun tawp hman duh Tevez

Argentine club Boca Juniors striker Carlos Tevez chuan a club khelh meknaah chuan football chawlhsan a duh thu a sawi a, European football lamah kir leh tumna a nei lo.

Kum 32-a upa stri-ker hi Brazilian club Corinthians bakah West Ham, Chelsea leh Napoli-ten an duh nia sawi a ni a, Ar-gentina international hi a hmalam hun chung-changah hian a ṭawng chhuak ta a ni.

Season hmasa lawka Boca lama kir striker chuan, "Napoli emaw Chelsea-in min rawn bia pawh nise ka sawi duh chu Boca-ah hian ka cham chhunzawm zel dawn a, he hmun aṭang ngeia football chawlhsan hi ka lo suangtuah ṭhin chu a ni," a ti.

Boca hian Copa Liber-tadores (South Ameri-can Champions League) semi-final-ah Independiente del Valle hneh loin an tla a, Ecuadorian club laka an tlawm hnu hian Tevez hi chhuak tur anga sawina a ri ring lehzual.

Mahse, Argentina international chuan, "Ka chhuak tur anga sawi awm hi chu thu awmze nei lo mai a ni. Boca-ah beisei ang result a thlen loh apiangin dawt thuthang a awm ṭhin a, hei chu ngaiah ka nei tawh a ni," tiin chhuah a tum hmel loh hle.