FA Cup dan an thlak danglam

English Football Asso-ciation chuan, tun sea-son aṭanga hman ṭan turin FA Cup-ah sub-stitute pali hman theih turin an ti.

Kumin Copa America-ah khan he dan hi a ṭhat leh ṭhat loh hriat nan an lo hmang chhin tawh a, FA thutlukna hi International Football Association Board chuan an pawm ve phawt a ngai dawn a ni.

FA chuan an dan thar hi quarterfinal chin chunglama hman turin an ti a, substitution hi hun pangngaiah erawh dan pangngaiin pathum bak siam phal ni loin extra time khelh a ngaih chuan substitution hi pali a siam theih dawn a ni.

FA hian May thla khan season thar aṭang chuan FA Cup quarterfinal chinah replay awm tawh lo turin ruahmanna an siam bawk a ni. FA chief executive Martin Glenn chuan, "Mi maktaduai tam takin an ngaihhlut inelna hi tun aia hlu lehzuala kalpui a nih theih dan tur ngaihtuah chungin he thutlukna hi siam a ni," a ti.

Martin Glenn chuan, "Uluk taka zirchian phei chuan extra time khelh a nih huna he dan hmang tura manager thutluknate hriat a châkawm a, he substitution dan thar hian inkhel a ti hmuhnawm lehzual dawn a ni," tiin inkhel hmuhnawmna tur an ngaih pawimawh thu a sawi.