United aia Liverpool thlangtu Mane

Liverpool player thar Sadio Mane chuan, Anfield pan turin Manchester United sawmna a hnawl thu a sawi.

Senegal win-ger hian Southampton aṭangin Liverpool hi pound mak-taduai 34-in a zawm a, kum nga chhung cham turin contract a ziak.

Kum 24-a upa winger chuan, "Man United mai ni lo club hrang hrangin an hnena khel turin min sawm a, mah se Liverpool in min duh tih ka hriat khan he club hi ka kalna tur a ni tih ka pawm nghal thlap a ni," a ti.

Saints tan vawi 75 in-lana goal 25 khungtu chuan sawi chhun-zawmin, "Liverpool hi sulhnu ropui tak nei club a ni a, he club tana khelh theihna hun ka nei dawn tih leh Jurgen Klopp-a'n min duh tih hrilh ka nih rual khan Reds tana khelh ka duh thu ka sawi nghal a ni," tiin a club duhna takah a luh thu a sawi.