Kolkata Knight Riders an chak

Indian Premier League-ah Inrinni zan khan Kolkata Knight Riders-in Sunrisers Hyderabad wicket sarihin an hneh. Sheikh Zayed Stadium-a inkhelah ṭhum vawrah Hyderabad an vannei a, vuak hmasak an thlang.

Hyderabad tan David Warner-a'n run 36 siamin Manish Pandey-a'n half century (51) siam bawk mah se over 20-a an tlin zat chu run 142/4 chauh a ni. Kolkata tan opener Shubman Gill-a'n thi loin run 70 a siam a, Eoin Morgan-a'n thi loin run 42 vaw chhuak bawkin ball 12 a la awm tihin an target khumin run 145/3 an siam.

Zirtawpni zan inkhelah DC Captitals-in run 44-in Chennai Super Kings an hneh. MS Dhoni hote hian an match hmasa bera Mumbai Indians an hneh hnuah chak an la nei lo a, Sunrisers Hyderabad pawh match khelh tawhah an la chak lo ve ve.

Zanin dar 7:30 hian Royal Challengers Bangalore leh Mumbai Indians te an inkhel dawn a, team pahnih hi vawi hnih an khelh tawhah vawi khat ve ve an chak tawh a ni.