Borrusia Dortmund-ah Aubameyang cham dawn

Borussia Dortmund chuan Manchester City nena sawi zawm hlawh mek an striker Pierre-Eme-rick Aubameyang chu an club-ah a cham chhun-zawm zel tur thu an puang.

Kum 27-a upa striker hian Bundesliga club-ah hian kum 2020 thleng cham turin contract a nei a, China-a pre-season tour nei mek Dortmund squad hi a nupui rai vangin a zawm ve lo.

Dortmund coach Tho-mas Tuchel chuan, "Aubameyang hi kan player a ni a, kan player a nih chhunzawm zel bawk ang. Kan tan chuan player pawimawh bik a nih avangin he hmunah hian a cham zel ang tih ka chiang a ni," tiin a player chungchang a sawi.

Kum 42-a upa ma-nager thusawi rin tawp erawh a harsa. German coach hian a thusawi tawp lamah, "Tun dinhmunah chuan Aubameyang hi kan hnenah a cham dawn tih hi huai takin ka sawi ngam a, hmalam hun erawh tumahin an sawi lawk thei lo," a ti.

Season hman zawh taka inelna hrang hranga vawi 46 inlan chunga goal 39 khungtu Aubameyang hian German TV channel ZDF-in an kawmnaah Signal Iduna Park chu Real Madrid-in an sawm chauhin a chhuahsan tur thu a sawi.