India rama coach nih châk Yorke

Kolkata khawpuia lo zin mek Manchester United forward hlui Dwight Yorke chuan coaching lama luh a rilruk thu a sawi a, India chu bul ṭan nana hman a châk thu a sawi lang.

Kum 1998-99 a Premier League Player of the Season dinhmun luahtu chuan Indian Super League club enkawl a châk thu sawiin, "Tun hnaiah team enkawl lam luhchilh turin rilru ka seng nasa hle. Kan ramah emaw India-ah bul ṭan ka duh a ni. India ramah ngei hian coaching career bul ka ṭan thei a nih chuan he ram football ṭhan zelna kawngah tha ka thawh ve thei dawn a ni," a ti.

Manchester United tan season li a khelh chhunga league nomawi pathum chawi hman striker chuan Jose Mourinho enkawlna hnuaiah United chuan hma an sawn ngei a beisei thu a sawi lang bawk a, Sir Alex Ferguson chu player-te ṭha zawka chherchhuah thiam tak a nih thu a sawi bawk.