Champions League-ah Celtic tan beiseina

Kum 2013 hnua Champions League la khel leh lo Celtic chuan season thara Champions League group stage thlen ngei an tumna kawngah hmalam an pan zel.

Scottish club hian Nilaini zan khan Kazakhstan club ṭha FC Astana chu khualmualah 1-1 in an inhnehtawkpui a, Champions League playoff khel turin Celtic Park-a an inkhelh hunah goal chhuah loh a tawk.

Astana Arena-a inkhelah hian mualneitu team tan Yuriy Logvi-nenko chuan inkhel ṭan aṭanga minu-te 19-na lekah goal hmahruai a khung a, Celtic tan striker Leigh Grif-fiths chuan minute 78-naah a sut.

Celtic boss Brendan Rodgers chuan, "Result ṭha tak a ni. Goal kan chhuah avangin pawi ka ti a, mah se goal kan chhuah hnuah huaisen taka kan beihlet avangin ka naute khelh dan kha ka chhuang hle. Kan tan chuan hei hi result duhawm tak a ni," tiin away goal hlutna a hai lo.