Villarreal striker thar Alexandre Pato

Spanish club Villarreal chuan Corin-thians aṭangin Brazilian striker Alexandre Pato an lalut. Kum 26-a upa striker hian season hman zawh taka La Liga palina dinhmun hauhtu club tan hian season li chhung khel turin contract a ziak.

Brazil-ah club kalphung a danglam ṭhin a, club mai bakah company emaw anmahni player ngeiin 'player rights' neitu nihna an nei ṭhin. AC Milan striker hlui Alexandre Pato pawh hi a club khelhna Corinthians-in neitu nihna 60% chiah an nei a, a bak 40% hi Pato-a thuneihna a ni thung.

Villarreal-in Pato-a neitu nih-na 60% Corinthians hnen aṭanga an leina zat hi club pahnihin an tarlan loh tur thu puang mah se khawthlang media-te chuan Spa-nish club hian pound maktaduai 2.5 an inseng niin an tarlang.

Brazil tan vawi 27 inlana goal 10 khung tawh striker hian season hmasa chawhnu lam kha Chelsea-ah loan in hun a hmang a, mah se London club tan hian match hnih chiah inlanin goal khat a khung sak.

Chelsea a zawm hma hian Brazilian club Sao Paulo-ah loan thoin a hun a hmang a, kum hnih loan-a hun a hman chhungin vawi 95 inlanah goal 38 a khung sak - hliam vanga Milan-a beisei ang thleng phak lo striker hian a thiam a la theihnghilh lo.