Swansea-in Llorente lakluh an tum

Premier League club Swan-sea City chuan Sevilla stri-ker Fernando Llorente lakluh an tum thu an puang. Swans chairman Huw Jenkins chuan striker thar pahnih tal lakluh an tum thu a lo sawi tawh a ni.

Welsh club coaching staff zinga mi Alan Curtis chuan, "Llorente hi kan player duh kan sawi zinga mi a ni ngei a, hming liantham player kan lakluh a hun tawh a ni," a ti.

Spain tan vawi 24 inlana goal sarih khungtu Llorente hian Athle-tic Bilbao-ah a hming chherin season kaw chhung match 333 inlan sakin goal 118 a khung sak. Kum 2013 khan Juventus zawmin Serie A club tan hian season thum chhunga match 92 inlanin goal 27 a khung sak a, league nomawi vawi thum a chawipui.

La Liga club tho Real Socie-dad nena sawi zawm hlawh mek Fernando Llorente hian season hman zawh takah khan Sevilla tan inelna hrang hrangah vawi 31 inlanin goal sarih a khung sak.

Swansea hian Leicester City striker Leonardo Ulloa chu lakluh tumin an ngaihven bawk a, mah se Foxes manager leh amah Ulloa ngeiin Leicester-a an hlim thu an sawi avangin Argentine striker hi an lakluh theih a beiseiawm loh.