Lazio striker thar Immobile

Serie A club Lazio chuan Sevilla aṭangin striker Ciro Immobile an lalut a, a contract rei zawng leh a man puanzar ni lo mah se a man zat hi pound maktaduai 7.1 bawr vel ni tura ngaih a ni.

Italy international hian kum 2013-14 sea-son-ah khan Torino tan season duhawm bik hmangin inelna hrang hrangah Serie A club hi vawi 34 inlan sakin goal 23 a khung. Season a thar rualin Borussia Dortmund chuan Bundesliga lamah Italian striker hi seng lutin an beisei ang erawhin a che ṭha lo a, vawi 34 inlanah goal 10 chiah a khungsak.

Signal Iduna Park-a a hlawhltin loh hnuah Sevilla hi loan-in a zawm phawt a, a hnuah pound maktaduai 9.25-in a nghetin La Liga club hi a zawm. Sevilla tan vawi 15 chiah inlana goal li a khung hman tihin season hmasa chawhnu lam kha a club hlui Torino-ah loan-in a hmang leh a, vawi 14 inlanah goal nga a khung sak a ni.