Klopp-a'n Sakho thawn haw chhan a sawi

USA lama pre-season tour nei mek Liverpool coach Jurgen Klopp chuan US aṭanga thawn haw defender Mamadou Sakho chu a nungchang mawi loh vanga thunun a nih thu a sawi.

German coach chuan, "San Francis-co kan pan dawn khan airport-ah a rawn tlai a, training session a
ṭhulh a, team-in chaw ei hun kan tihah a lo kal lo bawk," tiin kum 26-a upa striker chuan club dan leh hrai a zawm loh thu a sawi chhuak.

Kum 49-a upa manager chuan sawi chhunzawmin, "Team inlungrual tak din tumin hma kan la a, tun hi bul
ṭan hun chu a ni. Club-in dan leh hrai kan nei a, chu chu kan zah tur a ni. Ka player zingah kan dan ruahman zah lo an awm a nih chuan hma ka lak a
ṭul a ni," a ti.

Klopp chuan kum 2013-a Paris Saint-Germain aṭanga Liverpool pantu defender chu ni 10 hnuah titi puina neih a tum thu a sawi bawk.