World no. 1 Djokovic a chak nghal

Novak Djokovic chuan Wim-bledon third round-a a tlak hnuah Rogers Cup, Toronto-ah a inlan a, world number 1 hian Luxembourg tennis player Gilles Muller chu 7-5 7-6 (7-3) in a hneh.

Serbian tennis strar Djokovic chuan, "March thla hnua hardcourt-a ka inlan hmasak ber a nih avangin a harsa hle. Khua a lum avangin ball a kal chak em em a, ball duh anga kan thunun theih loh avangin inkhelh a awlsam lo a ni," tiin a sawi.

Inkhel dangah Australian star Nick Kyrgios hnehtu kum 17-a upa Denis Shapovalov chuan Bulgaria player Grigor Dimitrov chu 6-4, 6-3 in a hneh lo. Canadian rawlthar Wimbledon junior champion Shapovalov tla mah se khawtual mipuiin ṭan tur an la nei tho a, Canadian player seeded palina ni pha Milos Raonic chuan Lu Yen-Hsun chu 6-3, 6-3 in a hneh.

Hmeichhe lamah British no. 1 Johanna Konta chuan 7-5, 6-1 in qualifier paltlang American tennis player Vania King chu harsatna nei loin a hneh. Kum 25-a upa Konta hian Pathianni khan California-ah vawi sarih Grand Slam title la tawh Venus Williams chu 7-5, 5-7, 6-2 a hnehin a vawi khat nan WTA Tour-ah a champion. Rogers Cup khelh mekah hian world no. 14 Konta hian American tennis player Varvara Lepchenko a hmachawn leh ang.

German tennis player Angelique Kerber chuan Mirjana Lucic-Baroni chu 6-3, 4-6, 6-3 in a henh a, seeded no. 1 Serena Williams a inhnuhdawh avangin Kerber hi ranking-ah a sang ber. Seeded palina Agnieszka Radwanska-i'n Monica Niculescu chu 6-1, 7-5 in a hneh bawk.