Barca-ah Mascherano a rinawm

Manchester United-in Paul Pogba lak an tum avangin Juventus-in a thlak nan Javier Mascherano an lalut dawn tih chu thu dik lo a ni ta. Argentine midfielder hian Barcelona-a cham zel turin kum thum chhung atan contract a ziak.

Kum 32-a upa Masche-rano hian kum 2010-a Liverpool aṭanga Catalan club a zawm hnuin Barca tan hian match 247 a khel tawh a, La Liga title pali leh Champions League title pahnih a la tawh.

Barcelona hian French defender pahnih Samuel Umtiti leh Lucas Digne baka Villarreal aṭanga Denis Suarez an lakluh hnuah Portuguese midfielder Andre Gomes chu Valencia aṭangin an lalut chiang ta bawk.

Kum 22-a upa Gomes manah hian Catalan club-in pound maktaduai 29.3 (€35m) an pe phawt ang a, hemi hnu hian pound maktaduai 16.7 (€35m) pek leh theih dan a awm bawk.