October 15 zanah MPL11 final

MPL11 Board chuan LZ Juice MPL11 final hun tur an tichiang a, Mizoram chhunga football inelna sang ber final hi October 15, Thawhlehni zan dar 8:00-ah khelh a ni dawn.

September 19, Ningania MPL Board meeting chuan round 14 inkhelh hun an thlak bakah semifinal khelh hun an tichiang bawk.

League round hnuhnung ber round 14 hi September 30, Thawhṭanniah khelh a ni dawn a, ni khatah match li a awm ang. Fixtures hi League Winner Trophy hlan a nih theih nan siam rem a ni ang.

Semifinal hi double leg-a khelh tur a ni a; first leg hi October 7-8, 2024-a khelh tur niin second leg hi October 11-12, 2024 a khelh tur a ni thung. Knockout stage match zawng zawng hi zan dar 8:00-a khelh tur a ni.

MPL khelh tur zawnna MPL Qualifier/Playoff chu October 2024 hun remchanga khelh turin ruahmanna an siam.