UCL Kalphung thar

UEFA Champions League-ah team 36 an tel a, league table pakhat an inṭawm dawn. Team tin match riat ṭheuh an khel dawn a, mahni mual (home) ah match li an khel ang a, khual mualah (away) ah match li dang an khel ang.

League round khelh zawha a sang pariatin last 16 an lut nghal dawn. Table-a pakuana ṭanga 24-na (team 16) ten playoff hmangin last 16 khel tur an zawng ang. Pakuana aṭanga 16-na te chu seeded an ni ang a, an mualah playoff second leg an khel ang.

UCL aṭangin Europa League-ah a tlak thlak theih dawn tawh lo a, table-a 25-na leh a hnuai lam zawng chu an tla fel nghal ang.

Football-a statistics rintlak chhawp ṭhintu Opta chhut dan chuan point 24 hmuh theih aṭanga point 16 hmute chu a sang pariat zinga an awmna chance 98% a awm a, point 15 hmu tan pawh a sang pariat zinga awmna chance 73% a awm.

Opta chuan 10 points hmu pha chin chu a sang 24 zinga an awmna chance 99% a awm angin a chhut. Chuvangin match riat khelh zawha point 10 hmu chinte chu group stage paltlang tura ngaih theih an ni.