Mizoram Open Chess C'ship zo fel

Mizoram Chess Association buatsaih 24th Mizoram Open Chess Championship 2024 chu September 17-19, 2024 chhung khan Ramhlun Indoor Stadium-ah tluang taka khelh zawh a ni.

Ni thum awh inelnaah hian Mizoram district pariat aṭangin chess khel thiam player 110 an tel a, inelna ngaihhlut hlawh ber open-ah Kolasib mi Saingura Sailo chu pakhatna niin Lalbiakmawia, Farkawn leh Lalawmpuia, Bethlehem Vengthlang te chu pahnihna leh pathumna an ni thung.

Inelna hmachhawn zingah Mary Mount School naupang kum ruk mi Vanlalhriati chu a naupang ber a, Mission Veng pa Dr. LN Tluanga, kum 91 chu a upa ber a ni.

Chief Arbiter hi Anupam Bhattacharjee, International Arbiter (I.A), Agartala a ni a, inelna kharna hi AICF event chairman Rajib Dhar-a'n a telpui. Championship hi Mizoram State Sport Council (MSSC)-in an sponsor a ni.

Results