Hliam vangin City an buai

Manchester City boss Pep Guardiola chuan a squad pumpuiah inkhel tura senior player fit a neih zat chu 13 chauh an nih thu a sawi a, Pathianni zan dar 9:00-ah Foxes hian Leicester City an lenchilh dawn - a awlsam lo ang.

City-ah hian striker chhuanvawr Sergio Aguero chu chhawr theih lohin a la awm mek a, Ilkay Gundogan, Bernardo Silva, Joao Cancelo and Oleksandr Zinchenko leh Aymeric Laporte te pawh inkhel turin an la inpeih lo. 

Pep chuan, "Tuna kan dinhmunah chuan inkhel turin senior player 13 chiah kan nei a, academy player-te hi min training pui tur mai ni loin inkhelh huna lut turin kan mamawh ang," a ti. City hi League Cup a Bournemouth hneh hlim an ni a, he inkhelah hian kum 17 mi striker Liam Delap chuan goal a khung - Delap-a chanchin hian sawi zui a hlawh hle. 

Pep chuan, "Tlarhmaa kan buaina en ula, Liam hian kan zingah training a neih chhunzawm zel ang. Kan mamawh leh hman dan tur chu kan la thlir chho zel ang chu," a ti. City hmachhawn tur Leicester hi League Cup lama Arsenal ngam lo hlim ni mah se league match hnih an khelh tawhah West Brom leh Burnley an hneh tawh a, an squad neih dan enin City tan zuam ngawt chi an ni dawn lo.