Dortmund coach thar Tuchel
Jurgen Klopp-a'n season tharah Borussia Dortmund a enkawl tawh loh tur thu a tihchian hnu lawkah Dortmund chuan season thara an coach atan Thomas Tuchel chu ruat a nih thu an puang ve leh ta. German coach Tuchel hian kum thum cham turin Dortmund-ah hian contract a ziak a ni.
Dortmund club thuchhuak chuan, "Borussia Dortmund chuan season tawp hnu kar hmasa berah Thomas Tuchel hi official takin club-ah a lalut ang," a ti.
Kum 41-a upa Tuchel hi Klopp ang tho a Mainz 05 manager hlui niin kum 2009-2014 chhung khan he club-ah hian a cham a, Mainz a enkawl lai hian Bundesliga club tho Schalke leh Bayer Leverkusen te chuan an manager ni turin an sawm a, a lo hnar tawh nghe nghe.