Clay-ah Djokovic-a'n Nadal a dal

Inrinni khan Monte Carlo Open semifinal-ah World number 1 Novak Djokovic chuan Rafael Nadal chu 6-3, 6-3 a hnehin final a lut. Final-ah Tomas Berdych nen an inhmachhawn ang.

Tun season-ah kum 27-a upa Djokovic hi a khel ṭha tluang hle a, vawi hnih chiah chak loh ala nei a ni. Tun hnai a match hnuhnung 16-ah hnehna a chang thei vek a ni.

Nadal leh Djokovic te hi vawi 43 an inhmachhawn tawh a, Nadal la chungnung hretin vawi 23 chak zawkah ṭangin Djokovic hi vawi 20 a chawk zawk tawh thung a ni.

Final-a a hmachhawn tur Berdych hian Gael Monfils chu semi final lehlamah 6-1, 6-4 in a lo hneh ve bawk a ni.

Djokovic chuan, "Clay-ah chuan Nadal hi player ṭha ber ala ni reng, ani khelh hi chu a hautak ṭhin hle a ni. Ka khel ṭha a ka vannei bawk, finala ka hmachhawn tur Berdych nen hi chuan an inang lo hle. Berdych pawh hi player ṭha tak a nih avangin final-ah hian fimkhur takin theihtawp ka chhuah a ngai ang," tiin a sawi.