FB Murray Memorial Chess-ah Thangchungnunga a thiam ber

Mizoram huap inelna FB Murray Memorial Chess chu Serkawn In­door stadium, Lungleia khelh zawh takah Thang­chungnunga, Thenzawl chuan point 6 score-in a champion. Inelna hi Swiss League round 7-a khelh a ni a, champion hian Rs 10,000 a dawng.

Pahlira, MRP chuan point 5.5 score-in pahnihna a ni a, Rs 7000 a hlawh. Pathumna Hrang­dailova Hauhulh-in point 5.5 tho score-in lawmman pawisa fai Rs 4000 a dawng a, palina C.Lalrimawia, Lunglei leh Pangana Davies Zoremsiama Champhai te chuan Rs 2000 ve ve an dawng bawk. Parukna aṭanga sawmna thlengin Rs 1000 ṭheuh an dawng bawk.

FB Murray Memorial Chess-ah hian player 39 an tel a, ni thum chhunga khelh zawh a ni.