Leicester an chak lo nawn

Leicester City-in Premier League nomawi an beisei ve thuak thuak hnuah result an neih ṭhat chhunzawm loh avangin Champions League khelh phak pawh a awlsam dawn lo. Foxes hian Pathianni zan khan Burnley lakah Harvey Barnes-a goal hmangin hma hruai mah se Clarets hian Chris Wood (56') leh Ashley Westwood (79') te goal hmangin an lehthal.

Brendan Rodgers-a hote hi match hnuhnung pasarihah vawi li an chak lo a, vawi khat an khingpui nen inhnehtawkin vawi hnih chiah an chak. Foxes hian match 23-ah point 45 an hmu mek a, an chung leh hnuaia awmte chak zawh loh dinhmun siam ṭhat nan an hmang thei lo.

Burnley-in Chris Wood hmanga an siphurh an sut hnuah Harvey Barnes-a'n minute 67-naah penalty a hlawh a, Jamie Vardy penalty pet chu goalkeeper Nick Pope-a'n a dansak. Foxes boss Rodgers chuan, "Team ṭha zawk kan ni," tiin inkhel banah sawi mah se point an hlawh chhuak lo.