England leh West Indies inhnehtawk

West Indies-ah Test series khel turin England an zin chhuak a, first test-ah a thlengtu West Indies-in England an draw hram.

England hian first innings-ah run 399 siamin an vaiin an out vek a, West Indies hian run 295 chiah an siam thung. Thawh hnihnaah England an che ṭha chhunzawm a, wicket sarih an hlohin run 333 an siam tawh a, chak inbeiseiin an declared.

West Indies an ṭang thei a, England bowler te'n an vawm hlum vek thei lo. West Indies hian wicket pasarih hlohin run 350 an siam a, ni tawp bera an target an phak si loh avangin an inhnehtawk.

Antigua khawpuia Test match inkhelah England bowler James Anderson-a'n first test-ah wicket hnih lain test match-ah wicket 384 a la tawh a, Sir Ian Botham record rei tak lo ding tawh chu lehpelin England tan test match-a wicket la hnem ber a ni ta.

England hian kum 2012 hnuah Test match rampawna an khelh hnuhnung vawi sawmah chak hmel an la hmu lo a ni.