Ligue 1 PSG an tlu rei lo

Champions League Quarter final-ah Barcelona 3-1 in an hneh lo hlim hlawl a, Ligue 1-a an match khelh leh hmasa berah Inrinni zan khan Paris St-Germain chuan Nice chu 3-1 in an hneh.

Hrem vangin striker rinrawl Zlatan Ibrahimovic a tel lo a khel PSG tan Argentina midfielder Javier Pastore chuan goal hnih khungin Edinson Cavani chuan goal khat a khung bawk a, Nice lam tan Mathieu Bodmer chuan goal khat a khung ve bawk.

Tun season-ah Ligue 1 inum boruak a nung hle mai a, champion lai PSG leh Lyon ten hma an inhruai chhawk zak zak a ni. Match 32 khelh tawh aṭangin hmahruaitu Lyon hian point 65 hmu tawhin hma an hruai mek a, pahnihna Lyon nen hian point khat chauhin an inthlau rih a ni.

PSG manager Laurent Blanc chuan, "Barca laka result ṭha lo kan nei zo chauh a ni a, hetiang a hnehna kan chang leh nghal hi ka lawm hle. Dik taka sawi chuan kan fixture hi a zing em em a, inkhelh tur kan ngah avangin player te an chau tawha a harsa vek tawh a ni," tiin a naute an chauh thu a sawi.