Vawiin aṭangin I League U19 Football

DSK Football Field, Pune-ah vawiin aṭangin I League U19 final round khelh ṭan a ni dawn. Rest of India Zone B champion Chanmari FC U19-in naktuk hian an match hmasa berah Mohun Bagan U19 an hmachhawn ang.

Final Round-ah hian team pariat chiah an tel tawh a, chung team-te chu Chanmari U19, AIFF Elite Academy, DSK Shiva­jians U19, Hindustan U19, Mohun Bagan U19, Pune U19, Salgaocar U19 leh United U19 te an ni.

Vawiin hian I League U19 match hmasa berah DSK Shiva­jians U19 leh Pune U19 te an inkhel ang a, AIFF Elite Academy leh Salgaocar U19 te an ni. DSK Shivajians tan MPL2-a Chanmari FC champion puitu Jerry Mawihmingthanga leh MPL3-a Lunglei FC pet tlingtu Lallianzuala chu player pawimawh an ni a, Qualifying Round-ah Lianzuala hian goal 12 a khung a, Jerry hian goal riat a khung ve bawk. AIFF Elite Academy-in final round an thlen theih nan Daniel Lalhlimpuia'n goal sarih a khung bawk.