KL Rahul = Run 132 not out

Indian Premier League-ah Ningani zan khan Kings XI Punjab-in 97 runs-in Royal Challengers Bangalore an sawp a, opener KL Rahul chuan thi loin run 132 zet a siam.

Dubai International Stadium-a inkhelah hian ṭhumvawrah RCB an chak a, vawm hmasak an thlang. Kings XI tan KL Rahul-a'n ball 69 lekah run 132 a siam a, four runs vawi 14 a vuak bakah six runs vawi sarih a vaw chhuak.

Kings XI-in over 20-ah wicket thum hlohin run 206 an siam a, Virat Kohli telna Bangalore tan target a tam mah mah. India captain Kohli hian run khat chauh a siam a, Royal Challengers tana che ṭha Washington Sundar leh AB de Villers te pawhin run 30 leh 28 bak an siam lo.

Punjab bowlers Ravi Bishnoi leh Murugan Ashwin ten wicket thum ve ve an la a, hnehna chang turin harsatna an tawk lo. Zanin hian IPL khelh chhunzawm a ni dawn a, dar 7:30-ah Kolkata Knight Riders leh Sunrises Hyderabad te an inkhel dawn.

Pathianni zanah Rajasthan Royals leh Kings XI Punjab te an inkhel ang. Ningani thleng khan Kings XI leh Mumbai Indians te chauhin match hnih an la khel a, IPL khelh mekah vawi hnih chak an la awm lo.