Man United-ah Pogba a cham dawn

Paul Poga agent Mino Raiola chuan January transfer-ah hmalak a harsat avangin French midfielder hi nakkum nipui thleng chu Man-chester United-ah a cham tur thu a sawi. 

Kum 27 mi Pogba hian chanchin a ngah hle. October thla khan an ram France tana a khelh ṭumin Pogba hian Real Madrid tana khelh a châk thu a sawi a, coach Didier Deschamps pawhin Old Trafford-ah a hlim theih loh thu a sawi bawk. Deschamps hian Pogba hi a khelh tam tawk loh bakah a duh lohna laiah an khelhtir niin a sawi.

Hemi hnu hian Raiola a rawn lang a, Pogba a hlim lo tih tun hnai khan a rawn sawi nawn. Amaherawhchu Pogba a rawn ṭawng chhuak a, kar liam ta khan Juventus midfielder chuan, "United tan ka theihna zawng zawng ka chhuah ṭhin a; club, ka teammate leh fan-te tan ka theihna 1000%-in ka chhuah zel ang. Mi thu sawi hi a pawimawh lo. Thudik sawi tur hriat loh chuan ngawih chuh a ṭha," tiin club tana a rinawm thu a sawi.

Pogba agent Mino Raiola  a rawn lang ve leh a, thiam takin thil awm dan a rawn sawifiah. Raiolo chuan, "England-ah chuan Pogba chungchang hi a te ber thlengin sawi nuam an ti. January-ah chuan hmalak a harsa a, chuvangin chhuahna tur a awm em tih chu nipuiah kan ngaihtuah ang," tiiin a sawi.

French midfielder Pogba hian kum 2016 khan Juventus aṭangin pound maktaduai 89-in United hi a zawm a, kum 2022 thleng contract a nei a ni.