Inter School Basketball boruak a 'hot'

SRM Institute of Science & Technology 14th Inter School Basketball Tournament 2024 chu R. Dengṭhuama Hall, Mualpuiah khelh mek a ni a, quarterfinal a nih tawh avangin inelna boruak pawh a nung ṭha tawh hle.

Inelnaa hi Primary School (4), Middle School (25), High School (30) leh Higher Secondary School (24) ah te ṭhendarh a ni a, hei bakah hian hmeichhe inelna buatsaih a ni bawk.

Hmeichhe inelnaah hian team 12 an tel a, inelna hrang hranga team tel zat belh khawm hi 95 a ni. Vawiin hian quarterfinal chhunzawm a ni ang.