Aizawl Taekwondo Academy an chungnung

Mizoram Official Taekwondo Championship vawi 26-na leh Mizoram Poomsae Championship vawi 17-na neih zawh takah Aizawl Taekwondo Academy, Electric Veng an chungnung ber.

Inelna hi SAI Mission Vengthlangah neih niin, Aizawl Taekwondo Academy hian a zawna vawi li an champion-na ni turin point 2831 an hmu a, an hnuai chiaha awm Republic Vengthlang Taekwondo Club-in point 1719 an hmu thung.

Champion of Champions inelna, category hrang hrang champion tena an inchuh 2024 Title Fight-ah champion lai Vanlalmawipuia Hnamte, Taekwondo Club Venghnuai chu a vawi nga an a champion. Hmeichhe lamah R. Lalbiaknuami, Chaltlang Veng chuan a tumpui zawng zawngte hnehin a vawi khat nan a champion bawk.

Championship-ah hian Robert Muanthansanga (ATA) leh Laltlansang (SAI Aizawl) te chu Kyorugi Best Fighter atan thlan an ni a. Mason Lalmuanzuala leh April Lallianmawii, Republic Venthlang Club te chu Poomsae khel thiam ber atan thlan an ni bawk. Player naupang ber, kum thum leh thla khat mi Esther N. Lallawmzuali, Lawngtlai hnenah lawmman pek a ni bawk.

Inelnaah hian district hrang hrang pasarih aṭangin team 35 an tel a, player 390 an ni a ni.

# Team Points
1 Aizawl Taekwondo Academy, Electric Veng 2831
2 Republic Vengthlang Taekwondo Club 1719
3 Gidae Taekwondo Club 1419
4 Armed Veng Taekwondo Academy 1106
5 Armed Veng South Taekwondo Club 848
6 Taekwondo Academy of best fiend 790
7 Kolasib Diatrict TKD Association 670
8 Hnamte Taekwondo Club 650
9 Lunglei SAI 561
10 Lawngtlai Dist. Taekwondo Association 508