Iga Swiatek a inhnukdawk

Tennis season tawp lam a hnai - Asia khawmualpuiah inelna hrang hrang neih chhoh mek a ni. Tournament ngaihhlut zinga mi China Open-ah Iga Swiatek kan hmu thei dawn lo, champion lai Swiatek hi mimal thil vangin a inhnukdawk.

US Open khelh zawh hnuah Swiatek hi a inkhel mumal rih lo. China Open hma hian Canadian Open leh Korea Open aṭang pawhin a lo inhnukdawk tawh bawk, hliam nei lo mah se mimal thil pawimawh zawk a nei tihna a ni.

Hmeichhe tennis world number 1 Swiatek chuan, "Mimal thil vangin Beijing khawpuia khelh tur China Open aṭangin ka inhnuhdawh a ngai. Nikuma hun nuam leh hlimawm tak ka hman tawhna hmuna ka inlan thei lo tur hi pawi ka ti hle," a ti.

China Open hi September 23 aṭanga October 6 chhunga khelh tur a ni ang.