Godin-a'n Cagliari a pan

Inter Milan defender Diego Godin chuan season thum chhung atan Cagliari a zawm. Uruguay international hian San Siro-ah season khat chauh hun a hman hnuin Inter hi a chhuahsan leh nghal tihna a ni.

Kum 34 mi Godin hian Atletico Madrid tan hlawhtling takin a khel tawh ṭhin, Spanish club aṭang hian Antonio Conter-a'n Inter-ah a lalut. Beisei ang erawh chuan a khel chhuak lo, player thar lakluh duh Inter hian mi thar lakluh theihna kawng a nih beiseiin an chhuah niin a lang.

Godin tan Cagliari hi ropui taka khelh pui a harsa mai thei - 1970 hnuah league nomawi an la chawi leh lo. Season hmasa khan 14-na an ni a, season tharah match khat khel tawhin Sassuolo nen 1-1 in an inhnehtawk; zanin hian Lazio an mikhual zui dawn.

Conte enkawl Inter Milan chuan zanin hian an league match hmasa ber an khel ṭan ve dawn chauh. San Siro-ah Fiorentina an lo mikhual dawn a, champion lai Juventus elphak an duh a nih chuan point thum hmuh nghal a pawimawh ang.