Zaninah Durand Cup final rematch

Zanin dar 7:30 hian Mohun Bagan-in Salt Lake Stadium-ah NorthEast United an mikhual dawn a, ISL inkhel hi kumin Durand Cup final rematch niin an inkhelhna hmun pawh a ngai chiah.

Kumin Durand Cup final-ah khan Bagan-in NE United lakah Jason Cummings leh Sahal Abdul Samad te goal hmangin 2-0 in hma hruai mah se NE United-in Alaeddine Ajaraie leh Guillermo Fernandez te hmangin an lehthal. Penalty shootout-ah NE United an vannei zui a, an club history-a a vawi khat nan nomawi lian tham an chawi.

Kolkata club hi player langsar awm khawmna leh champion rinkai ni phak an ni a, NE United chhuak Lalengmawia Ralte-in (Apuia) hmun pawimawh a chang. Tun ṭumah pawh hian Mariners hi chak tura ngaih ni mah se NE United match hmasa berah Kolkata club tho Mohammedan an hneh tawh a, Bagan laka point thum hlawh chhuak turin an inringtawk khawp ang.