Anthony Joshua a mualpo

British boxer lar Anthony Joshua chu Inrinni zan khan Wembley Stadium-a entu 96,000 hmaah a mualpho. Daniel Dubois chuan boxer lar Joshua chu round nganaah a knockout out.

Kum 27 mi Dubois hian round khatna aṭangin Joshua hi a hnek thlu nghal a, round hnihnaah pawh a hnek chhuak tam zawk. Round thumna tawp lamah pawh Joshua hi a tlu leh a, round lina leh round ngana pawh a tlu leh bawk. Round nganaah hian Dubois hian a kut dinglamin Joshua khabeah a hnek a, inhnek an titawp.

Joshua hian kumin March khan UFC heavyweight champion hlui Francis Ngannou chu knockout mah se Dubois hmaah dawl zawrin a zawr. Dubois hi Oleksandr Usyk-a kalsan IBF heavyweight champion belt kawltu a ni. Tun ṭuma hnehna an chan avangin Dubois hian kum 2025-ah undisputed heavyweight title fight thei dinhmunah a ding.

Kumin December 21 hian WBC, WBA leh WBO champion Oleksandr Usyk leh Tyson Fury te an inhmachhawn dawn a, Dubois hian a chak zawk a hmachhawn thei ang. Joshua tan erawh Dubois hmachhawn nawn emaw Usyk leh Fury te chak lo zawk hmachhawn theih chu a beiseina sang ber a ni.