Premier League Boruak Chu!

Tharum hman tamna, player leh manager pawhin buaina an neih rap rapna hmun chu English Premier League a ni. Manchester City leh Arsenal inkhelh zawhah mi tam takin 'EPL a lo kir leh ta' tih chu an titi a ni.

Hamrik hmasa ber a ri a, ball an pet ṭan chiah tih khan Kai Havertz leh Rodri an insu nghal phawt. Spanish midfielder hi khelmualah a tlu a, inkhel chhunzawm thei mah se a hnuah Thomas Partey nen inbakkaih lehin Rodri hi thlak a ngai.

Midfielder ṭha Rodri thlak a ngaih avangin Pep Guardiola a lawm lo, an khingpui chet dan a hmuh hmaih lo. Arsenal goal khatna luh dawna referee thutlukna siam danah Pep a thinur a, mahse referee Michael Oliver-a'n hamrik a ham tawh avangin Gunners lamin tihsual an nei lo. Spanish manager lungawi loh chhan chu, Oliver hian captain Kyle Walker a ko a, Arsenal lamin dinglam hmun ruak hi an chhu chat a, a goal phah. Pep-a'n referee-in captain a koh pawh kan kal tawh lo ang, tiin inkhelh banah a sawi.

Riccardo Calafiori-a'n goal a khung lawmin manager Mikal Arteta bulah a tlan phei a, nasa taka zuangin goal an lawm - hetih lai hian Guardiola chuan manager thutna nghenchhan chu thinrim takin a tlawh sawk sawk thung.

Goal hnihna an khung lai a Arsenal ho sapatal danah an lawmna a sang tih a chiang a, stadium chhunga anmahni ṭantu tlemte awmkhawm hmaah an sahawk - a tlem zawk ni mah se an thawm chu ring tak a ni.

Hun tawpah Man City boruak kan hmu ve thung, a tlem zawk hneh lotu nih an hreh takzet a, goal pawh an nawr na hle. John Stones-a'n goal a khung chiah khan khung belh tuma ball lak vat ai chuan point khat kha a lawm tawk.

Ball latu Haaland pawhin inkhel chhunzawm leh thuai lam a ngaihtuah tawh lo, amah veng ṭhintu defender Gabriel chu hnung lam aṭangin a tukkumah ball in a vawm - Brazilian defender hian a jersey in a hmai a hup lai a ni a, a vawmtu hi a hre lo ang.

Mahse, replay a ennawn dawn - Haaland ngei maiin a vawm tih hi a hrechiang tawh ngawt ang. Emirates Stadium-ah Man City hi an la leng lut ve leh dawn, boruak a sang dawn tih hi chiang taka sawi lawk ngam a ni.

Premier League Results

September 21, Inrinni
West Ham United 0 - 3 Chelsea
CHE: Nicolas Jackson 4', 18'; Cole Palmer 47'
Aston Villa 3 - 1 Wolves
AST: Ollie Watkins 73'; Ezri Konsa 88';
Jhon Duran 90+4'
WOL: Matheus Cunha 25'
Fulham 3 - 1 Newcastle United
FUL: Raul Jimenez 5'; Emile Smith Rowe 22'; Reiss Nelson 90+2'
NEW: Harvey Barnes 46'
Leicester City 1 - 1 Everton
LEI: Stephy Mavididi 73'
EVE: Iliman Ndiaye 12'
Liverpool 3 - 0 Bournemouth
LIV: Luis Díaz 26', 28'; Darwin Nunez 37'
Southampton 1 - 1 Ipswich Town
SOU: Tyler Dibling 5'
IPS: Sam Morsy 90+5'
Tottenham Hotspur 3 - 1 Brentford
TOT: Dominic Solanke 8'; Brennan Johnson 28'; James Maddison 85'
BRE: Bryan Mbeumo 1'
Crystal Palace 0 - 0 Manchester United
September 22, Pathianni
Brighton & Hove 2 - 2 Nottingham Forest
BRI: Jack Hinshelwood 42'; Danny Welbeck 45'
NOT: Chris Wood 13' (P); Ramon Sosa 70'
Manchester City 2 - 2 Arsenal
MCY: Erling Haaland 9'; John Stones 90+8'
ARS: Riccardo Calafiori 22';
Gabriel Magalhaes 45+1'